زود مبيعاتك من التسويق الالكتروني فى 7 خطوات

زود مبيعاتك من التسويق الالكتروني فى 7 خطوات

زود مبيعاتك من السوشيال ميديا و التسويق الالكتروني فى 7 خطوات

كـ صاحب بيزنس .. أكيـد يهمك جدا إنك تزود مبيعاتك من التسويق الالكتروني بشكل مستمر
وخصوصا في أيام زي اللي إحنا فيها ومع ارتفاع الدولار  
الموضوع مش هايتم بشكل تقليدي ..
و عشان كده هانقولك علي (7) حاجات محتاج تركز عليهم عشان عـ الأقل .. تحافظ علي معدل نمو مبيعاتك …

1- Be Proactive

خليك سبّـاق ، سباق في عرض منتجاتك ، سباق في تحسين الخدمة اللي بتقدمها ، إنك تكون الأول ده مش حاجة سهلة ، وإنك تحافظ علي كونك الأول ده محتاج منك وعيّ بطبيعة التغييرات اللي بتحصل كل يوم في البيزنس ، وعلي قد ما هاتكون سباق علي قد ما هاتستحوذ علي نسبة أكبر من الفئة اللي بتستهدفها .

2- فى التسويق الالكتروني حدد إنت بتكلم مين الظبط

لأن الأسهـل دايما في البيزنس إنك تعمل إعلان واحد تكلم بيه كل الناس ، غالبا مبتجيبش أي نتيجة ..

تعالي نفترض إنك “مطعم” مثلا ، أكيد الفئة اللي بتجيلك عشان بتحب الحوادق مُختلفة نوعا ما عن اللي بيجي عشان بيحب الـ Dessert ،

فـ إذا حضرتك عملت إعلان كبيـر علي واجهة المطعم مكتوب عليه “نقدم أشهي الأكلات” مش هاتبقي عملت أي فرق ،

لكن إذا أخدت المساحة وقسمتها / 2 ، وخليت نُصها لـ بيتزاية بيتشد منها مثلث والجبنة بتمُط كده لفوق (مشهد تقليدي بس محدد) وعلي النُص التـاني حطيت صورة لـ طبق Cake سايح عليها نوتيلا مثلا .. النتايج هاتختلف ..
قيس بقا ده علي إعلاناتك سواء الـ Outdoor أو تسويق السوشيال ميديا أو التسويق الالكتروني عموما او آيا كان إعلاناتك فين .. المبدأ واحد .. حدد (فئة) معينة هاتكلمها  ، هاتفرق جداااا …

3- Personalize your approach

بالذات فى التسويق الاكتروني و تسويق السوشيال ميديا .. بعد ما تحدد إنت بتكلم مين بالظبط ، إتعامل معاه بمنهجية إنسانية مش تكنولوجية ..

الفيسبوك والبيدج و الإعلانات واللايك والكومنت كل دول أدوات .. اللعبة والمكسب في طريقة شخصنتك للأدوات دي ،

كل ما أنا كـ عميل ليك بحس إنك بتكلمني “انا” ، كل ما الـ “أنا” اللي جوايا هاتفضلك عن غيرك لا إراديا ، كل ما هامشي وراك ..

لكن الردود اللي تحس إنها خارجة من Bot متسجل عليه ردود محفوظة دي مبتأكلش عيش ، ما بتحافظش علي عميل ، ما بتعملش مبيعات .. فـ بدماغك يعني …

4- فى التسويق الالكتروني أهتم بالمشاعر .. وبعدها المنطق

لأننا بشر ، بنمشي ورا مشاعرنا أكتر من حسابات المنطق ، بنقيس حسابات المنطق لما نكون ناضجين ،

والنضج ده قصة في حد ذاته مش مجال إننا نتكلم عنها هنا .. لكن ببساطة ..

إنت هاتحب اللي هايبتسم في وشك الصبح أكتر من اللي هايعرفك كل يوم الصبح فوايد الإبتسامة عشان تبتسم ..

الـ objective واحد في الحالتين لكن اللعبة في الطريقة     

أربط منتجك بعاطفة عند عملائك .. فرحة .. سعادة .. إنتصار .. تميز .. بُعد عن آلم ..

كل ما تكون رسالتك فيها جزء عاطفي كل ما بتقرب أكتر ، مش معني كده إنك كل رسايلك لعملائك تبقي بالحب     ..

الموضوع محتاج sense .. وإختيار للمعاني اللي عاوز توصّلها وكمّ الكلمات اللي ممكن توصّل بيها المعني ده …

5- فى التسويق الالكتروني وفر تفاصيل مُنتجك بدقة

ما تتوقعش إن في معلومات معينة “بديهية” من وجهة نظرك لازم نكون كلنا عارفينها ،

ولكن إتعامل مع منتجك علي إنه شئ “غير معرف” للبني آدمين ، وعرّفـه إنت بطريقتك ،

بالتفاصيل اللي تساعد العميل علي إنه ياخد قرار بالشراء ..

الفيسبوك لما عمل تعديل وضاف Tab الـ Shop للبيدج كان عشان يساعدك إنك تعرّف عملائك أكتر عن منتجاتك وكأنهم في معرضك أو عيادتك الـ 24/7 …

6- Focus on customer benefits

لو إنت صاحب بيزنس ملابس مثلا ، أكيد هاتبيع هدوم وأكيد أنا لما البس الهدوس هاتستر ، دي خلصانة ،

السؤال بقا .. إيه الفوايد اللي هاستفادها لما أشتري منك “إنت” بالذات ،

هاتقولي مثلا هاديك خصم !؟ ، هاقولك مصر كلها مبتعملش حاجة في السنة اللي فاتت دي كلها غير خصومات ،

مستفدتش برده ، هنا حضرتك كـ صاحب بيزنس عاوز تستمر وتبيع ، لازم توجد فوايد تانية ليا كـ عميل عشان أمشي وراك ،

زي إنك هاتخصملي لو رشحتك لحد من أصحابي مثلا ، زي قسايم شراء بعد مبلغ معين ،

زي إني لو حبيت أرجع أو أبدل حاجة هاتتعامل معايا بسياسة الحفاظ علي الزبون مش بسياسة الإستبدال والأسترجاع ،

التفاصيل البسيطة اللي ممكن تحولها لـفوائد هي اللي بتخلي العميل يشتري منك ، والأهم ، إنه يكرر عملية الشراء دي بشكل دوري …
وفي عالم التسويق الالكتروني و خاصىة تسويق السوشيال ميديا .. المعلومة في حد ذاتها ممكن تكون من ضمن الفوائد ، لو بتملكها فعلا وتعرف توصلها لـعملائك …

7- إعمل إعلان .. لمنتج واحد في نفس الوقت .

مش منطقي أبدأ إنك متعملش إعلانات من خلال التسويق الالكتروني و تسويق السوشيال ميديا ، بالعكس ، الإعلانات صحية جدا .. لو بتتعمل صح  
لو بتبيع 4 منتجات مع بعض ، مش لازم تعلن عن الأربع منتجات مع بعض ، ولا ورا بعض ،

إنت لو عملت لكل منتج فيهم selling Journey ليها بداية ونهاية وإستراتيجية ، وإديتها حقها جدااا ،

بعد وقت معين هاتبقي بتبيع الـ4ـ منتجات ، بالتوازي ، وممكن من غير ما تعمل إعلانات أساسا
عمرك شوفت كوكاكولا مثلا نازلة بحملتين إعلانات مع بعض واحدة للـ لتر والتانية للكانز !؟
أو مثلا سامسونج عمرك شوفتها نزلت منتجين مع بعض لنفس الشريحة المستهدفة
متهيألي .. صعبة .. واردة .. لكن صعبة ، عشان كده خليك في الطريقة اللي تضمنلك ميزانيتك وتوصل بيك للعملاء الحقيقيين اللي هايستفيدوا منك بجد .
الخلاصة البيع مش سر ، ولا سحر ، ولا صعب ، ولا سهل ،

البيع Game ، والـ Game فيها تكتيك وأداء وخبرة ، خليك إنت دايما صاحب “اللعبة الحلوة”  
كل الكلام اللي قولناه فوق ده بناء علي الـ Research اللي عملناه بعد تعب فى السنتين اللي فاتوا دول من شغلنا في السوق


لو فيه اي حاجه مش واضحه قولولنا ايه هي في التعليقات وهنوضحهالكم بالتفصيل إن شاء الله
ولو حابين تسالوا عن أي حاجه تانيه تخص التسويق الاكتروني او تسويق السوشيال ميديا الخاص بيكم و البيزنيس قولولنا وهنفيدكم علي قدر مانقدر إن شاء الله

تقدر تشوف احدث اعمالنا

برجاء مشاركة المحتوى

مجموعة من المحترفين المستقلين فى مجال التسويق الكتروني فى مصر ، هى قصة كفاح علم و تعلم و عمل عندها بدائنا بتوفير خدماتها للافراد على المستوى الصغير و ما هي الا فترة قصيرة جعلت i4uagency بين يديك الان تخدم الشركات و الافراد على السواء فيما يحتاجونه من خدمات تخص التكنولوجيا و خدمات التسويق الالكتروني و تصميم المواقع وتصميم المتاجر الالكترونية في مصر  وادارة صفحات السوشيال ميديا وتصميم الجرافيك  نبدا فيها من تصميم العلامة التجارية انتهاء بانشاء الكيان التجارى الكامل فى العالم الويب وما يشمله ذلك من تصميمات و برمجه و تسويق الكتروني و كافة احتياجات عملائها الكرام وكما اننا نسعى الى عمل استراتيجيات متميزه وبافكار مبتكره تعبر عن عملائنا وكياناتهم الاقتصاديه مما يسهل تبادل الخبرات ،المنتجات ، الخدمات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

×