Social Media VS 2017

Social Media VS 2017

لاصحاب الاعمال الصغيره والمتوسطه والشركات الكبري اللي بيتستهدفوا المستهلك النهائي وشغلهم بيعتمد علي قطاع السلع والخدمات (B2C) التي لم تعتمد التسويق عليSocial Media بشكل احترافي..
اولا كل سنه وانتم طيبين بمناسبة قرب انتهاء سنة 2016 ودخولنا في عام جديد 2017.
ومع دخولكم للعام الجديد المفروض يكون في استعدادات بتحصل لترتيب البيت الداخلي للشركه والتفكير في كيفية عمل انجاز حقيقي وتغيير للافضل وتحضيرات جديه والتاقلم مع متغيرات الاوضاع التي تحدث في السوق المصريه وازاي تقدر تكون متواجد بشكل قوي يضمن استمرارك رغم تقلبات الوضع الاقتصادي واللي كلنا بنحاول فيه ان نصمد امامها.
لكن اللي احنا هنتكلم فيه النهارده مش ازاي انك تصمد امام التحديات الاقتصاديه اللي بتحصل دلوقتي في السوق .. لا احنا كمان هنقولك ازاي تقتنص الفرص وتحول توجهك من مجرد الصمود الي عملية الربح اللى يرضيك بشكل كبير.
طبعا احنا هنتكلم في تخصصنا  Social Media ازاي تقتنص الفرص الضائعه اللي لسه ميعرفهاش كتير من منافسيك هنا.
ازاي تسويقك عبر ال Social Media Channels هتفيدك؟

⬅1- تاسيس صفحتك التجاريه

التي تمثل كيان شركتك – منتجك – خدمتك بشكل احترافي يعكس صورتك امام عملائك لا وكمان تقدر تدي انطباع اكبر من حجمك الحقيقي في السوق ببعض من الخطط الاستراتيجيه التسويقية اللي ال Social Media Marketer هيساعدك فيها.

⬅2- البدء في توعية العملاء

وانتشار اسمك عبر هذه القنوات والتي تمثل 5 مليون قوه شرائيه اونلاين وهنا بيجي دور ال Branding واللي اصغر الشركات في مصر دلوقتي تقدر تعمله وتنافس اكبر منافسيها في السوق اللي بقالهم اكتر من 20 سنه في لكن ماشيين لسه بطرق التسويق التقليديه والامثله عندنا كتير!!

⬅3- كمان الميزه هنا انك

تقدر توصل للعميل بتاعك كذا مره وتظهرله كذا مره وده بيخلق في اللاوعي عنده انه لما هيحتاجك هيكلمك.

⬅4- الميزه اللي تهمك بشكل مباشر

القوه الشرائية والجدوي من استثمار ال Budget التسويقي بتاعك علي ال Social Media..احب اقلك متقلقش من النقطه دي خالص هتلاقي في عائد من استثمارك بشكل كبير واكبر مما تتوقع شرط انك تكون مقتنع بالنقط السابقه وده هيادي الي عمل اضعاف اللي انت متوقعه وعن تجارب كتير.

⬅5- الناس في مصر

بدات تستوعب الشراء عن طريق الاونلاين وزي مقولنالك في 2016 حصل 5 مليون طلب شرائي اونلاين في مصر مقارنة ب 2015 كان 3مليون و 700 الف.

⬅6- وفي موضوع نراهنك عليه ?

لو انت عندك حد في نفس مجالك وانت تعرفه وفارق عنك كتير جدا وحاسس ان في زحمه حواليه والدنيا معاه فارقة عنك بكتير اعرف انه بيشتغل علي ال Social Media لانها الوسيله الاسرع والاضمن في حصوله علي عملاء جدد.

⬅7- كل طرق التسويق التقليدية

( توزيع Flyer – Brochure ) (SMS Campaign) والاعتماد علي موقعك المميز كمكان (تاجير يفط Outdoor) تعمل اعلان في الجرايد.
كل الوسائل دي قلت تاثيرها بشكل كبير جدا وهتفضل تقل لحد متختفي لان في زحف كبير اسمه ال Digital Marketing هوه اللي هيكتسح عالم التسويق الفتره القريبه القادمه.

⬅8- فكرة انك مش معتمد علي التسويق اصلا

ومش حاططها في حسابات كميزانيه دي كارثة في حد ذاتها او بتعتمد علي الطرق الرخيصه او المجانيه ده تقليل من منتجك او من خدمتك او شركتك وزي مابنقول في لغتنا التسويقيه ( No Marketing – Killing You ) .. او ممكن تكون بتستثمر تسويقيا كويس في ادوات تسويقية تانيه وراكن التسويق علي Social Media لانك مش مقتنع بيه او انت مع الفكر القديم براحتك بس افتكر كويس انك انت اللي بتخسر مش حد تاني.
اخيرا وانت بترتب وبتستعد لازم تكون حاطت التسويق عبر ال Social Media كاداه اساسيه تسويقيا لشركتك ما زالت الاسعار في هذا المجال مناسبه نسبيا علي ميزانية الشركات المتوسطة الحق ابني كيانك دلوقتي وقاعدة عملائك لان الاداه التسويقيه دي هتغلي الفتره القادمه وهتلاقي انك مضطر انك تدخله بعد مايفوت الاوان وتلاقي كل مصر بتشتغل عليه ساعتها هتكون نقطه في وسط بحر كبير ومش باين.
2017  السنه اللي تقدر تلحق نفسك فيها وتكون عديت مرحلة الكيان والاسم وبتعمل اعلي المبيعات من خلالة

 استشارة تسويقية مجانية 

3 thoughts on “Social Media VS 2017

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *