مين هو العميل بتاعك

مين هو العميل بتاعك – Buyer Persona

⬅ ايوه هو دا المصطلح بتاعه فى التسويق  Buyer Persona

طيب لو انت صاحب بيزنس أو  لسه  هتفتح بيزنس
اكيد  البيزنس بتاعك بيقدم منتج أو خدمه لشريحه معينه من الناس 
و حط خط تحت  (شريحه معينه من الناس)
ازاى هتوصل اصلا للعميل انت مش عارفه من الاساس 

هنعرفه عن طريق
ال Buyer Persona

⬅ ايه بقى هى ال Buyer Persona دى :

هنوصف شخصية العميل المستهدف المثالى للمنتج او الخدمه اللى البيزنس بتاعك بيقدمها
و بتقدر تحدد مواصفات شخصية العميل ده بناءا على عملية بحث السوق و مجموعه بيانات حقيقية عن عميلك

⬅ اهم الصفات اللى لازم تبقى عارفها عن عميلك و انت بتعمل الBuyer Persona :

1 – النوع : هل الخدمه او المنتج بتاعك موجه للرجال و لا للنساء و لا الاتنين مع بعض
2 – السن : ايه هى اهم الفئات العمرية للشريحه بتاعتك
3 – اماكن التواجد: اهم الاماكن اللى بيكون متواجد فيها بصفه دورية
4 – الأهتمامات : لازم تعرف ايه بالضبط اهتماماته
5 – المشاكل : اهم المشاكل اللى بتواجه و تقدر تحلهاله بمنتجك أو خدمتك اللى بتقدمها
6 – السلوك : لازم برده تعرف اهم الانماط السلوكيه للعميل
7 – الدوافع : ايه اهم دوافعه و ازاى تستخدمها
و طبعا دى كانت مجموعه من الصفات الشخصيه للعميل اللى لو انت قدرت انك تعرفها بالتحديد هتقدر توصل للعميل
بتاعك و هتقدر انك تتواصل معاه بشكل افضل
و طبعا ده هينعكس على المبيعات و صورة البراند فى ذهن العميل بشكل ايجابى
و طبعا كل ما تجمع عن العميل بتاعك معلومات اكتر هتقدر تحدده و تتواصل معاه بشكل افضل

استشارة تسويقية مجانية 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *